اک اک کمرہ نو نو جی۔۔

اک اک کمرہ نو نو جی
جائیے کدھر؟ کرئیے کی

حاجت لئی میں لین بنائی
گھنٹے مگروں واری آئی

واری میری لیٹ لوائی
فاقے خون جگر دا پی

اک اک کمرہ نو نو جی

بجلی دا بل دونا آیا
نلکے دا بل دونا سوایا
بل گیس دا ، نال کرایھ
اک منجی وی ٹٹ گئی ہی
اک اک کمرہ نو نو جی

پاؤ آلو تے لما شورا
گھر والی نوں لگا جھورا
برکی ڈگدی بھورا بھورا
برکت دیکھی ڈپو دی

اک اک کمرہ نو نو جی

گھیو مہنگا رمضان چ آٹا
آڑھتیاں دا موٹا گھاٹا
ماڑے نوں ہر پاسیوں گھاٹا
دو عیداں تے روزے تیہھ

اک اک کمرہ نو نو جی

اک کمرے وچ داج نونہاں دا
سوہرا باہر تے راج نونہاں دا
مکدا نیئں کم کاج نونہاں دا
تیجی آئی تے پے گئی پیہھ

اک اک کمرہ نو نو جی

اک کمرہ تے ڈھیر پروہنے
سوندے ہو کے اونے پونے
سدھے ہون تے ہو جان چونے
اک دوجے نال ہوئے فری

اک اک کمرہ نو نو جی

اک کمرے وچ ستر نہ رہندا
پیو کھنگے تے پت اٹھ بہندا
پت جا نونہہ توں لیکھا لیندا
اسل وٹے لیندی دھی

اک اک کمرہ نو نو جی

سب دا پردہ ہو گیا سانجھا
وچ دھلیجاں سوں گیا رانجھا
پنج چھ بال لیایا بھانجا
تنگ ویہڑے تے بندے ویہھ

اک اک کمرہ نو نو جی

ہر نکرے اک شور شرابا
بوہتے بال نہ مندے دابا
ہتھھ اٹھارہ اک وے چھابا
تن پتر تے دھیاں چھی

اک اک کمرہ نو نو جی
جائیے کدھر ؟ کرئیے کیہ؟


سائیں اختر لہوری

Advertisements

2 comments on “اک اک کمرہ نو نو جی۔۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s